Accounting Aptitude Test സംസ്ഥാനതല മത്സരത്തിന് എൻ എ എമ്മിൽ നിന്നും മൂന്നുപേർ


Institute of Chartered Accountants of India ICAI കേരളത്തിലെ ഹയർസെക്കൻഡറി കൊമേഴ്സ് വിദ്യാർഥികൾക്ക് വേണ്ടി നടത്തുന്ന Accounting aptitude test - Junior CA സംസ്ഥാനതല മത്സരത്തിലേക്ക് കണ്ണൂർ ജില്ലയെ പ്രതിനിധീകരിക്കാൻ എൻ എ എം ഹയർ സെക്കൻഡറി സ്കൂളിൽ നിന്നും മൂന്ന് വിദ്യാർത്ഥികൾക്ക് അവസരം ലഭിച്ചു. C2A ക്ലാസിൽ പഠിക്കുന്ന Israa Mahamood, C1A ക്ലാസിൽ നിന്നുള്ള Risha Nourin N, Fathima PT എന്നീ വിദ്യാർത്ഥികളാണ് ജില്ലാതല മത്സരത്തിൽ മികച്ച വിജയം നേടിയത്. 

കഴിഞ്ഞ ദിവസം നടന്ന C1A
ക്ലാസ് PTA മീറ്റിങ്ങിൽ വെച്ച് ഈ വിദ്യാർത്ഥികളെ ആദരിക്കുകയും ഉപഹാര സമർപ്പണം നടത്തുകയും ചെയ്തു. ഓരോ ജില്ലയിൽ നിന്നും 20 വീതം (10 പ്ലസ് വൺ, 10 പ്ലസ് ടു) വിദ്യാർഥികൾക്ക് മാത്രം അവസരം ലഭിക്കുന്ന ഈ മത്സരത്തിൽ കണ്ണൂർ ജില്ലയെ പ്രതിനിധീകരിച്ച് മത്സരിക്കുവാൻ നമ്മുടെ എൻ എ എം സ്കൂളിൽ നിന്ന് മൂന്ന് വിദ്യാർഥികൾക്ക് അവസരം ലഭിച്ചത് ഏറെ സന്തോഷകരമാണെന്ന് ചടങ്ങിൽ സംബന്ധിച്ച സീനിയർ അധ്യാപകൻ എം സിദ്ദീഖ് സാർ അഭിപ്രായപ്പെട്ടു. 

ജനു. 13 ശനിയാഴ്ച്ച എറണാകുളത്ത് വെച്ച് നടക്കുന്ന സംസ്ഥാനതല മത്സരത്തിൽ മൂന്ന് പേർക്കും മികച്ച വിജയം നേടാൻ കഴിയട്ടെ എന്ന് ആശംസിക്കുന്നു.

Team theIndex
Dept. of Commerce
NAM HSS PERINGATHUR

Comments

Post a Comment

Popular posts from this blog

CMA റാങ്ക് ജേതാവ് അബ്ദുസമദിന് സ്വീകരണം നൽകി

Image
2023 ഡിസംബറിൽ നടന്ന CMA ഫൈനൽ പരീക്ഷയിൽ അഖിലേന്ത്യ തലത്തിൽ 47 ആം റാങ്ക് (നാലാം റാങ്ക് - സംസ്ഥാന തലത്തിൽ) കരസ്ഥമാക്കി ഉന്നത വിജയം നേടിയ NAM ഹയർ സെക്കൻഡറി സ്കൂൾ പൂർവ്വ വിദ്യാർത്ഥി പി അബ്ദുസമദിനെ സ്കൂൾ സ്റ്റാഫ് കൗൺസിൽ അനുമോദിച്ചു.  2015-17 ബാച്ച് കൊമേഴ്സ് വിദ്യാർത്ഥിയായിരുന്ന അബ്ദുസമദ് ഹയർസെക്കൻഡറി പഠനകാലത്ത് തന്നെ കൃത്യമായ ആസൂത്രത്തോട് കൂടിയായിരുന്നു പഠിച്ചിരുന്നത്. പ്രൊഫഷണൽ അക്കൗണ്ടിംഗ് മേഖലയിൽ മികച്ച കരിയർ നേടിയെടുക്കുന്നതിനായി അക്ഷീണപ്രയത്നം നടത്തിയ സമദിന് അർഹിച്ച വിജയമാണ് കൈ വന്നിരിക്കുന്നത്. തൻറെ സ്വപ്ന കരിയർ ആയ ചാർട്ടേഡ് അക്കൗണ്ടൻസി ഫൈനൽ പരീക്ഷയ്ക്കുള്ള മുന്നൊരുക്കത്തിലാണ് സമദ് ഇപ്പോൾ ഉള്ളത്. CA പരീക്ഷയിലും മികച്ച വിജയം നേടട്ടെ എന്ന് ആശംസിക്കുന്നു. സ്കൂൾ ഓഫീസിൽ വെച്ച് നടന്ന ചടങ്ങിൽ പ്രിൻസിപ്പാൾ ഡോ. എൻ എ മുഹമ്മദ് റഫീഖ് ഉപഹാരം കൈമാറി.
Read more

National Institute of Mental Health and Neuro Science (NIMHANS) BANGALORE ഫെലോഷിപ്പ് നേടിയ പൂർവ്വ വിദ്യാർത്ഥി സുഹറയെ അനുമോദിച്ചു.

ബംഗളൂർ നിംഹാൻസിൽ PSYCHOSOCIO CARE IN ELDERLY എന്ന വിഷയത്തിൽ ഒരു വർഷത്തെ ഫെലോഷിപ്പ് നേടിയ എൻ എ എം ഹയർസെക്കൻഡറി സ്കൂൾ പൂർവ്വ വിദ്യാർഥി സുഹറയെ സ്കൂൾ കരിയർ ഗൈഡ് സെല്ലിന്റെ നേതൃത്വത്തിൽ അനുമോദിച്ചു. എട്ടാം ക്ലാസ് മുതൽ പ്ലസ് ടു വരെ എൻ എ എമ്മിൽ പഠിച്ച സുഹറ തലശ്ശേരി ഗവൺമെൻറ് ആർട്സ് കോളേജിൽ നിന്നാണ് ബിരുദ പഠനം പൂർത്തിയാക്കിയത്. തുടർന്ന് കേരള സർവകലാശാല ബിരുദാനന്തര ബിരുദ പ്രവേശന പരീക്ഷയിൽ മികച്ച റാങ്കോടെ കാര്യവട്ടം ക്യാമ്പസിൽ പ്രവേശനം നേടുകയും MSW പൂർത്തിയാക്കുകയും ചെയ്തതാണ് തൻറെ കരിയറിൽ പുതു വെളിച്ചമായതെന്ന് സുഹറ അഭിപ്രായപ്പെട്ടു. പഠനശേഷം തൃശ്ശൂരിലെ ലൈഫ് ഫൗണ്ടേഷന് കീഴിൽ കേന്ദ്ര ഗവൺമെൻറ് പദ്ധതിയായ 'സുരക്ഷ'യിൽ ജോലി ചെയ്ത് വരുന്നതിനിടയിലാണ് നിംഹാൻസ് ഫിലോഷിപ്പിന് അർഹത നേടിയത്.  എസ്.ആർ.ജി കൺവീനർ ടി പി റഫീഖ് അനുമോദന ചടങ്ങ് ഉദ്ഘാടനം ചെയ്തു. കരിയർ ഗൈഡ് സെൽ കൺവീനർ ഇൻ ചാർജ് കെ.കെ. മുനീർ, യു കെ അഷ്റഫ്, പി കെ മഹമൂദ്, ഷിജു പി ഔസേഫ്, കെ.കെ അബ്ദുല്ല, ഷബീർ എന്നിവർ സംബന്ധിച്ചു.
Read more